Ystadegau Am Addysg Bellach, Dysgu Seiliedig Ar Waith A Dysgu Cymunedol Yng Nghymru: 2004/05

Y gyfrol hon yw'r ail mewn cyfres sy'n rhoi ystadegau am y sector dysgu ôl-16 (ac eithrio sefydliadau addysg uwch a'r chweched dosbarth) yng Nghymru. 

Yn 2003/04 cyflwynwyd system casglu data newydd o'r enw Cofnod Dysgu Gydol Oes Cymru gyda'r nod o gasglu data cyson a chymaradwy ar draws y sector dysgu ôl-16.  Yn ystod ei flwyddyn gyntaf, casglodd y Cofnod Dysgu Gydol Oes ddata oddi wrth ddarparwyr Addysg Bellach a Dysgu Cymunedol.  Cynhwyswyd darparwyr Dysgu Seiliedig ar Waith er 2004/05.

Mae'r ystadegau yn y gyfrol hon yn ategu Datganiad Cyntaf Ystadegol Llywodraeth y Cynulliad SDR 36/2006 ar sector dysgu ôl-16 2004/05 a'r data cryno sydd ar gael drwy wefan StatsCymru.  Codwyd data o Gofnod Dysgu Gydol Oes ar 2 Chwefror 2006.

Dyma'r canlyniadau allweddol ar gyfer 2004/05:

Sefydliadau Addysg Bellach

• Cofrestrwyd 239,020 o ddysgwyr mewn pump ar hugain o sefydliadau Addysg Bellach yn ystod blwyddyn academaidd 2004/05.
• Roedd 10,685 yn dilyn rhaglenni dysgu seiliedig ar waith.
• Dyma'r ystadegau am fyfyrwyr yn sefydliadau addysg bellach Cymru:
          34 y cant o dan bump ar hugain oed;
          96 y cant yn byw yng Nghymru yn bennaf; 24 y cant o'r rhain yn byw mewn ardaloedd a ddynodwyd yn ddifreintiedig;
           4 y cant o darddiad ethnig nad yw'n wyn;
           8 y cant ag anabledd.

Dysgu cymunedol

• Dilynodd 56,555 o fyfyrwyr raglen Dysgu Cymunedol AALl yn 2004/05, gan gynnwys 40 y cant a gofrestrwyd gydag AALl a 60 y cant a gofrestrwyd mewn sefydliadau Addysg Bellach ond a ddysgwyd gan staff AALl
• Roedd 9.5 y cant o dan bump ar hugain oed a 27 y cant yn 60 oed ac yn hyˆ n.

Dysgu Seiliedig ar Waith

• Dilynodd 58,620 o fyfyrwyr raglenni dysgu seiliedig ar waith, gyda’r darparwyr (gan gynnwys sefydliadau Addysg Bellach) yn derbyn arian gan ELWa yn 2004/05.
• Mae’r nifer ar raglenni dysgu seiliedig ar waith wedi cynyddu 27 y cant rhwng Mawrth 2000 a Mawrth 2005.
• Roedd 66 y cant o fyfyrwyr rhaglenni dysgu seiliedig ar waith o dan bump ar hugain oed ar 31 Awst 2004; roedd 2 y cant o darddiad ethnig nad yw'n wyn ac roedd gan 5 y cant anabledd.

Ni ddylid cyfrif niferoedd y myfyrwyr sydd mewn Addysg Bellach, Dysgu Cymunedol a Dysgu Seiliedig ar Waith gyda'i gilydd gan fod diffiniadau’r carfanau yn gorgyffwrdd.

Llwytho: Ystadegau Am Addysg Bellach, Dysgu Seiliedig Ar Waith A Dysgu Cymunedol Yng Nghymru: 2004/05 [.pdf 692KB] (Saesneg Yn Unig)