Nodwch fod gan y wefan hon system allweddumynediad llywodraeth y DU
Os ydych chi'n fyfyriwr addysg uwch amser llawn gyda phlant dibynnol, gallech gael cymorth ariannol ychwanegol. Gall y Grant Gofal Plant helpu â chostau gofal plant, a gall y Lwfans Dysgu i Rieni helpu â chostau sy'n gysylltiedig â'ch cwrs. Mae mathau eraill o gymorth yn cynnwys Credyd Treth Plant a'r Gronfa Mynediad at Ddysgu.
Gallai myfyrwyr amser llawn a chanddynt blant fod yn gymwys am gymorth ariannol ychwanegol ar ben y pecyn cyllid myfyrwyr sylfaenol. Yn dibynnu ar eich amgylchiadau, gallech gael y canlynol:
Dim ond canllaw cyffredinol i'r cymorth ariannol sydd ar gael os oes gennych blant yw'r wybodaeth a geir ar y dudalen hon. I gael mwy o fanylion ynghylch y cymorth ychwanegol y gallwch ei gael, llwythwch gopi o'r llyfryn 'Grant Gofal Plant a mathau eraill o gymorth ar gyfer rhieni sy'n fyfyrwyr amser llawn'.
Bwriad y Grant Gofal Plant yw helpu myfyrwyr amser llawn gyda chostau gofal plant yn ystod y tymor ac yn ystod y gwyliau. Nid oes rhaid i chi ad-dalu unrhyw arian a gewch.
Mae'r tabl isod yn dangos yr uchafswm sydd ar gael, ond bydd faint gewch chi mewn gwirionedd yn dibynnu ar y canlynol:
Yr uchafswm sydd ar gael:
| Cyfraddau ar gyfer | Un plentyn | Dau neu fwy o blant |
|---|---|---|
|
2008/2009 or 2007/2008 |
Hyd at £148.75 yr wythnos (85% o wir gostau sydd hyd at £175 yr wythnos) |
Hyd at £255 yr wythnos (85% o wir gostau sydd hyd at £300 yr wythnos) |
Cewch wneud cais:
Os ydych chi, eich gŵr, eich gwraig neu eich partner, yn cael elfen gofal plant Credyd Treth Gwaith, ni fydd yn bosib i chi hawlio'r Grant Gofal Plant hefyd.
Nid yw pob math o ofal plant yn gymwys ar gyfer y Grant Gofal Plant. Bydd yr amodau y bydd angen i'ch darparwr gofal plant eu bodloni yn amrywio gan ddibynnu ar lle yn y DU y byddwch yn astudio. Dilynwch y ddolen berthnasol isod i gael gwybod a ydynt yn gymwys ai peidio.
Gallech hefyd fod yn gymwys i gael y Grant Gofal Plant:
Gall y Lwfans Dysgu i Rieni helpu i dalu am gostau sy'n gysylltiedig â'r cwrs megis llyfrau, deunyddiau a chostau teithio. Mae ar gael yn ychwanegol i unrhyw gyllid myfyrwyr sylfaenol a gewch, ac nid oes rhaid ei dalu'n ôl.
Bydd faint o Lwfans Dysgu i Rieni a gewch yn dibynnu ar incwm eich cartref. Ar gyfer 2008/2009, £1,470 y flwyddyn yw’r uchafswm. Ar gyfer 2007/2008, £1,435 y flwyddyn yw'r uchafswm.
Pwy gaiff wneud cais?
Mae'r Lwfans Dysgu i Rieni ar gael os ydych yn fyfyriwr amser llawn gyda phlant dibynnol. Cewch wneud cais os ydych yn cael y Grant Gofal Plant ai peidio.
Gallwch wneud cais am y Grant Gofal Plant neu'r Lwfans Dysgu i Rieni cyn neu yn ystod eich cwrs.
Ar y brif ffurflen gais am gyllid myfyrwyr, cwblhewch yr adran sy'n gofyn i chi wneud cais am gymorth ychwanegol i fyfyrwyr sydd â phlant.
Gall y Gronfa Mynediad at Ddysgu ddarparu cymorth i fyfyrwyr sydd ar incwm is sy'n canfod eu bod yn wynebu anawsterau ariannol.
Y prifysgolion a'r colegau fydd yn penderfynu sut i rannu'r taliadau, ond bydd myfyrwyr a chanddynt blant - ac yn enwedig unig rieni - yn cael eu hystyried yn flaenoriaeth ar gyfer y gronfa.
Efallai y gallwch hefyd hawlio Credyd Treth Plant gan Gyllid a Thollau EM. Bydd y swm a gewch yn dibynnu ar eich amgylchiadau personol a'ch incwm.
Ni fydd yr arian a gewch drwy'r Grant Gofal Plant neu'r Lwfans Dysgu i Rieni yn cael ei ystyried yn incwm wrth gyfrifo'ch hawl i gredydau treth neu fudd-daliadau eraill.
Os bydd eich amgylchiadau'n newid – er enghraifft, os bydd eich incwm yn cynyddu neu'n gostwng - mae'n bwysig rhoi gwybod i'r canlynol:
Telir y cymorth ar gyfer myfyrwyr â phlant ar ben y pecyn cyllid myfyrwyr sylfaenol.
I gael gwybod pa fathau eraill o gymorth ariannol y gallech chi eu cael, dilynwch un o'r dolenni isod. Os ydych chi'n fyfyriwr newydd, neu os dechreuoch eich cwrs o fis Medi 2006, gweler ‘Myfyrwyr amser llawn: dechrau arni’. Fel arall, gweler ‘Cyllid myfyrwyr: wedi dechrau cyn 2006?’.
Archebwch DVD am ddim sy’n rhoi gwybodaeth ar noddi’ch cwrs prifysgol
