Dewis di

Wednesday 24 June 2009

CD-ROM rhyngweithiol yw Dewis di, a ddatblygwyd i helpu athrawon i sicrhau bod dysgu am fwyd yn hwyl i bobl ifanc (11 i 12 oed). Wedi’i lywio gan adborth disgyblion, mae’r adnodd yn cyflwyno dewisiadau bwyd iachach mewn ffordd y bydd y dosbarth yn ei mwynhau.

Mae’r CD-ROM yn cynnwys taith rithiol wedi’i rhannu’n dair pennod, gweithgareddau sy’n trafod peryglon hylendid a delwedd y corff a chyfres o gemau rhyngweithiol. Ceir Nodiadau i Athrawon hefyd.

Y nod wrth ddatblygu Dewis di oedd:

• bod yn hyblyg ac yn ymarferol er mwyn i athrawon allu dewis a chynllunio’r ffordd fwyaf addas o’i ddefnyddio, naill ai gyda’r dosbarth cyfan neu gyda grŵp
• cefnogi disgyblion i astudio ar eu pen eu hunain yn annibynnol er mwyn iddynt allu cymryd eu hamser i ddysgu a phrofi eu gwybodaeth
• cefnogi’r cwricwlwm gyda chysylltiadau perthnasol i dechnoleg bwyd, economeg y cartref, gwyddoniaeth, addysg iechyd personol ac addysg gorfforol
• integreiddio â’r dull o addysgu am fwyd sy’n cynnwys yr ysgol gyfan.

Mae’r Nodiadau i Athrawon yn cynnwys cyflwyniad i Dewis di, cynlluniau gwersi manwl a chysylltiadau â’r cwricwlwm. Gallwch lawrlwytho’r nodiadau i athrawon drwy'r ddolen isod.

I archebu copïau o CD-ROM Dewis Di, sydd ar gael yn rhad ac am ddim, cysylltwch â Chyhoeddiadau’r Asiantaeth Safonau Bwyd ar 0845 606 0667 neu anfonwch e-bost: foodstandards@ecgroup.co.uk gan roi rhif cyhoeddiad Dewis Di: FSA/1321/0209.

Neu, i gael rhagor o wybodaeth am yr adnodd, mae croeso i chi gysylltu â'n Huned Iaith drwy anfon e-bost at: welsh.translation@foodstandards.gsi.gov.uk