Gwefan llywodraeth y DU

Eich enillion

Yn y gorffennol mae benthycwyr wedi cynnig benthyca symiau yn seiliedig ar enillion. Yn ddiweddar mae wedi dod yn fwy cyffredin i fenthycwyr wneud asesiad fforddiadwyedd wrth gyfrifo faint o arian y byddant yn ei fenthyca i chi.

• Faint gewch chi ei fenthyg? ar Moneymadeclear gan yr Awdurdod Gwasanaethau Ariannol Opens new window

Beth allwch chi ei fforddio?

Mae'n bwysig rhoi gymaint ag y bo modd o fanylion i'ch benthyciwr am eich enillion a'ch gwariant er mwyn i chi gael cynnig morgais y gallwch ei fforddio. Hefyd, bydd angen i chi gofio cyllidebu ar gyfer costau untro prynu eiddo - megis ffioedd gweinyddu a chyfreithwyr a Threth Stamp.

Mae gan wefan Moneymadeclear yr Awdurdod Gwasanaethau Ariannol ystod o gyfrifianellau hawdd eu defnyddio i'ch helpu i gyfrifo beth y gallwch ei fforddio a chost fisol debygol morgais.

• Cyfrifo cost debygol eich ad-daliadau morgais gyda chyfrifiannell Morgais yr Awdurdod Gwasanaethau Ariannol Opens new window

• Ffactorau sy’n effeithio ar fforddiadwyedd morgais ar Moneymadeclear gan yr Awdurdod Gwasanaethau Ariannol Opens new window

Eich eiddo

Gwerth yr eiddo

Bydd eich benthyciwr yn trefnu i brisio'r eiddo i weld beth yw ei werth.

Mathau arbennig o eiddo

Mae rhai benthycwyr yn cyfyngu ar y swm y byddant yn ei fenthyca ar rai mathau o eiddo, er enghraifft tai gyda fframwaith coed. Mae'n werth holi o gwmpas i weld beth sydd ar gael gan wahanol gwmnïau.

• Siopa o gwmpas am forgeisi ar Moneymadeclear gan yr Awdurdod Gwasanaethau Ariannol Opens new window

Eich hanes credyd

Bydd eich benthyciwr yn archwilio'ch hanes credyd ac yn gofyn i fenthycwyr blaenorol neu landlordiaid am eirdaon. Os dengys eich record eich bod wedi cael anhawster gyda benthyciadau neu daliadau rhent yn y gorffennol, efallai y bydd yn effeithio ar faint y gallwch ei fenthyg.

Peidiwch â digalonni os bydd benthyciwr yn gwrthod rhoi morgais i chi neu'n cynnig bargen ddrud - mae'n werth siopa o gwmpas o hyd.

• Graddio credyd ar Moneymadeclear gan yr Awdurdod Gwasanaethau Ariannol Opens new window

Morgeisi hunandystiolaeth

Oni allwch brofi eich incwm (efallai oherwydd eich bod yn hunangyflogedig a heb ddigon o gyfrifon) efallai y gallwch gael morgais 'hunandystiolaeth'. Gallwch ddysgu mwy am y mathau hyn o forgais ar wefan yr Awdurdod Gwasanaethau Ariannol.

Mwy o ddolenni defnyddiol

• Egluro morgeisi – gwybodaeth ar Moneymadeclear gan yr Awdurdod Gwasanaethau Ariannol Opens new window

• Prynu a gwerthu'ch cartref (adran cartref a chymuned)

• Prynwyr am y tro cyntaf (adran cartref a chymuned)